హరిని రాముని

ఆరాధించెదను నేను హరిని రాముని 

వేరొక్కని గొలుచునంత వెర్రిని కాను

పరవశించి పొగడెదను హరిని రాముని

నిరుపమాన కీర్తి గల హరిని రాముని

వరములిచ్చు దేవుడగు హరిని రాముని

కరుణగల స్వామి యగు హరిని రాముని

నరాకృతిని తోచుచున్న హరిని రాముని

సురవైరుల పీచమడచు హరిని రాముని 

ధరణిజతో కలిసియున్న హరిని రాముని

పరమపురుషుడైన మన హరిని రాముని

తిరముగా నమ్మి నేను హరిని రాముని

పరమపదము నొసంగెడు హరిని రాముని

పరమపదమె వేడెదను హరిని రాముని

మరలమరల వేడెదను హరిని రాముని