ఎంతవాడ వెంతవాడ వెంతవాడ వోరామ
చింతలన్ని చిటికెలోన చెదరగొట్టి నావురా
చింతలేమి లేవనెడు జీవులున్నారా నీదు
చెంతచేర మనెడు దుష్టజీవు లున్నారు కాని
పంతగించి చేరకుండు వారిగోల నాకేలని
అంతరంగ మందు నమ్మి అయ్యా నిను జేరగానె
ఎంతెంతటి పాపములను నంతంతటి శిక్షలని
అంతకుడు బెదిరించగ నదిరిపడి నిన్నుజేర
చింతించకు చింతించకు జీవా నీపాపరాశి
కంతకుండు చూచుచుండ నగ్గిబెట్టి నానంటివి
వింతయేమి నిన్నుజేరి వేల్పులెపుడు పొగడుదు రన
వింతయేమి నీభక్తులు విడచిసంసారము నీ
చెంతచేరి సుఖియించుట జీవులందరకు నింక
నంత కంటె కోరదగిన దనగనేమి యున్నదిరా
