రాము డున్నాడు మాకు రక్షగా సీతా
రాము డఖిలలోకసంరక్షకుడు మా
రాము డున్నాడు మాకు రక్షగా
పైకురికి ప్రారబ్ధము పట్టి పీడించు వేళ
శోకములే చుట్టుముట్టి శోధించు నట్టి వేళ
లోకమెల్ల మాకు వ్యతిరేకమై నట్టి వేళ
చీకట్లు క్రమ్మి బ్రతుకు చితికి యున్నట్టి వేళ
అన్ని వేళలందును మాకండగా నుండెద నని
విన్నదనము కలుగువేళ విడువక నే నుందునని
పన్నుగ నాపన్నుల యాపదల నదిలించెద నని
తిన్నగ మాచేయిపట్టి యున్నా డున్నా డిదే
భయమెందుకు మావాడై పరమాత్ముం డున్నా డిదె
భయమెందుకు మావాడై జయశీలుం డున్నా డిదె
భయమెందుకు మావాడై పరంధాము డున్నాడిదె
భమమెందుకు కాలు డైన భయపడ వలె మాకే
