ఇదిగో శ్రీరామనామము
ముదమార గొనుము
విదితముగను భవతారకమై
వెలుగుమంత్రరాజము
సదమలాత్ములైన యోగి
జను లుపాసించు మంత్రము
హృదయమున శ్రీరామభక్తు
లెపుడు తలచు మంత్రము
ముదమున నిది నీజిహ్వాగ్ర
మున నిల్చి యుండునేని
వదలకరక్షించితీరు
పరమదివ్యమంత్రము
వేడుకతో వెండికొండ
వేలు పుపాసించు మంత్రము
ఏడుకోట్ల మంత్రంబుల
నెన్నికైన మంత్రము
నేడు నీవు మనసుపెట్టి
నిష్ఠతో జపియింతు వేని
వీడక నిన్నెల్లప్పుడు కా
పాడు దివ్యమంత్రము
