సదా వందనీయుడ వగు సాకేతరామ
సదా నన్నేలుచుండు సర్వేశరామ
నిన్ను సదా కీర్తించుచు నున్నారు విబుధులు
నిన్ను సదా వర్ణించుచు నున్నారు కవులు
నిన్ను సదా చింతించుచు నున్నారు యోగులు
నిన్ను సదా పూజించుచు నున్నారు భక్తులు
నిన్ను సదా ధ్యానించుచు నున్నారు మునులు
నిన్ను సదా సేవించుచు నున్నారు దాసులు
నిన్ను సదా ప్రార్ధించుచు నున్నారు సుజనులు
నిన్ను సదా చేరుకొనుచు నున్నారు జ్ణానులు
నిన్ను సదా భావించుచు నున్నా నిట నేను
నన్ను సదా మన్నించుచు నున్నా విదె నీవు
నిన్ను సదా నేను నమ్మి యున్నాను గావున
నన్ను సదా రక్షించుచు నున్నావు నిజము
