కరుణాలవాలుడవు శ్రీరామ
కరుణించి మమ్మేలు మిక నైన
కరిరాజవరదుడవు శ్రీరామ
కరిని బిడ్డను వోలె కాచితివి
సురరాజవరదుడవు శ్రీరామ
సురకార్యమును దీర్చ నెంచిచివి
మునిరాజవరదుడవు శ్రీరామ
కరుణించి దనుజుల గొట్టితివి
ఖగరాజవరదుడవు శ్రీరామ
కరుణించితివి జటాయువు నపుడు
హరిరాజవరదుడవు శ్రీరామ
కరుణించితివి సూర్యసుతు నపుడు
వరభక్తవరదుడవు శ్రీరామ
కరుణించితివి విభీషణు నపుడు
గిరిరాజవరదుడవు శ్రీరామ
కరుణించితివి భద్రుని వేడ్క
హరి సత్యవరదుడవు శ్రీరామ
సరిసాటి నీకెవరు లేరయ్య
