హరిహరి కలియుగ మన్యాయము

హరిహరి కలియుగ మన్యాయము
హరియన్న శ్రధ్ధలే దన్యాయము

హరికీర్తనలు పాడునంత తీరికలేదు
హరిపూజనము చేయునంత తీరికలేదు
హరికథల నాలించునంత తీరికలేదు
పరమాత్మ శ్రీరామ నరుల కిపుడు

హరినామమును పలుకునంత తీరికలేదు
హరిని మనసున తలచు నంత తీరికలేదు
హరిభజన కేగెడునంత తీరికలేదు
పరమాత్మ శ్రీరామ నరుల కిపుడు

హరితీర్ధములు తిరుగునంత తీరికలేదు

హరికోవెలకు పోవునంత తీరికలేదు
హరిభక్తులను చేరునంత తీరికలేదు
పరమాత్మ శ్రీరామ నరుల కిపుడు