బాలుని మృదుకరముల

 
బాలుని మృదుకరముల నిడ బంగారు వింటిని
చాల మంచియమ్మ యనెను బాలుడును వెంటనె

ఇంతకును బాణాలేవి యేవి యనెను నరపతి
అంత తొందరేల ననుచు హాస్యమాడె నాసతి
అంతలోన పూగుత్తుల నమరించిన పుడకలు
వింతవింత బాణాలుగ వెలయించిరి సకియలు

పూలగుత్తులబాణాలను దాలిచి శ్రీరాముడు
మేలు మేలు మన్మథుని వోలె శోభించెను
లీలగ నవి వెదజల్లుచు నీలమేఘశ్యాముడు
నాలావు చూడు డనుచు చాల యల్లరి చేసెను

విల్లిచ్చిన చేతులతో విద్య నేర్పు మనెను పతి
ఎల్లలోకముల నేలు బల్లిదుడౌ ననె సతి
చల్లగా లోకములను శాశించు ననెను పతి
కల్లగాదు స్థిరయశము కలుగు రేపనెను సతి