తప్పులను మన్నించుము దశరథరామ నేను
తప్పక నీవాడ గద దశరథరామ
తప్పులెన్ని పెద్దలనే దశరథరామ నేను
తప్పులనే చేసినాను దశరథరామ
తప్పక నే దండ్యుడనే దశరథరామ యిట్టి
తప్పు లింక చేయనయ్య దశరథరామ
ధరను మనుజజాతికి దశరథరామ యిదే
తరణోపాయ మనుచు దశరథరామ
తరచు నామస్మరణమునే దశరథరామ మరచు
తరళితాంతరంగుడను దశరథరామ
విశదయశుడ వీవయ్య దశరథరామ పాప
ప్రశమనైక నాముడవని దశరథరామ
దిశలన్నిట నీతేజము దశరథరామ నిండ
కుశలమె నీవారి కెపుడు దశరథరామ
