పండనీ యీబ్రతుకు భగవంతుడా నీ
యండనే యటుగాక యది యెందుకు
యండనే యటుగాక యది యెందుకు
నరవేషమును వేసి ధర నుండు టెందుకు
పరమాత్మ నినుగూర్చి పాడుటకు కాక
కరచరణములు దాల్చి గర్వించు టెందుకు
తరచు నీసేవలో తిరుగుటకు గాక
ధర నిన్ను వెదకుచు తిరుగాడు టెందుకు
పరమాత్మ నీవు నాభావ మందుండ
సురుచిరంబులు భావసుమము లవి యెందుకు
హరి నీకునై నిత్యమమరుకు గాక
నాకండ వగు శ్రమయు నీకెందుకో రామ
నీ కన్యమెఱుగక నేనుండుటను కాక
నాకున్న బ్రతుకిదియు నీకొఱకు గాక
నాకేల కోరదగినది యేమి కలదు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.