మనసా శ్రీరామచంద్రుని

మనసా శ్రీరామచంద్రుని మాట మరచినావటే

దినమంతా పనులనుచు తిరుగుచున్నావటే

రామనామము చాలనుచు నేమేమో పలికితివి

రామకీర్తనలు చాలా రమ్యముగా పాడితివి

రాముడే నాలోకమని ప్రేమగా పలికితివి

ఏమే ఈనాడు శ్రీరామునెటుల మరచితివి

హరిస్మరణము కన్న ముఖ్యమైన పని యున్నదా

హరిసేవల కన్న ముఖ్యమైన పని యున్నదా

హరిని మరచి తిరిగితివా యధోగతే కాదటే

పరుగిడవే పరుగిడవే హరివద్దకు మనసా

తప్పులెన్ననట్టి వాడు దశరథాత్మజుడు కద

తప్పైనది యని పలికిన తాను దండించడే

ఒప్పుగ శ్రీరామనామ మిప్పుడైన పలుకవే

ఎప్పటికిని రాముడే  హితకరుడే మనసా