ఉత్తుత్తి బ్రతుకొక్కటి యుండనేల వట్టి
ప్రత్తికాయ వలెను నీరసమైన బ్రతుకు
కన్నుల శ్రీరాముని కాంచని దొక బ్రతుకా
పన్నుగ శ్రీహరికి మ్రొక్కకుండిన దొక బ్రతుకా
దిన్నగ హరిసంసర్గము నెన్నని దొక బ్రతుకా
ఉడుగక శ్రీరామయని నుడువని దొక బ్రతుకా
నుడువక హరికీర్తిని గడిపెడి దొక బ్రతుకా
గడువని సంసారమున పడియున్నది బ్రతుకా
పడి చెడి హరిసంసర్గము వదలిన దొక బ్రతుకా
బ్రతుకనిన హరికొరకై బ్రతికినదే బ్రతుకు
బ్రతుకనిన హరివాడై బ్రతికినదే బ్రతుకు
బ్రతుకనిన గుండెనిండి రాముడున్నది బ్రతుకు
బ్రతుకనిన నట్టి బ్రతుకు బ్రతికినదే బ్రతుకు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.