14, జనవరి 2018, ఆదివారం
జయపెట్టరే రామచంద్రమూర్తికి
జయపెట్టరే రామచంద్రమూర్తికి
భయవిదారునకు సర్వాత్మనా జనులార
కామపిశాచి రావణుని గర్వము పోనణచి
భూమిసుతాశోక ముడిపి భూరియశము గొన్న
ప్రేమమూర్తి శ్రీరామ విభునకు జయపెట్టరే
శ్రీమహావిష్ణు వితడె చెలగి జయపెట్టరే
నరులార ధర్మమెరిగి నడచుటనగ నిట్లని
ధరమీద చాటినట్టి ధర్మావతారునకు
పరమేశ్వర వినుతునకు బాగుగ జయపెట్టరే
హరి యితడే యన్న దెరిగి యందరు జయపెట్టరే
సకలజీవులకు నితడె సర్వేశుడని తెలిసి
అకళంకబుధ్ధులై యానంద ముప్పొంగ
ప్రకటించి శరణమని రయమున జయపెట్టరే
యిక మీకు మోక్ష మని యెరిగి జయపెట్టరే
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
జయము జయము
రిప్లయితొలగించండికౌసల్యాసుతుని మురిపెముతో జయపెట్టరే
రిప్లయితొలగించండిదశరథనందను గారవించి జయపెట్టరే!
మకరసంక్రాంతి శుభకామనలు మీకు, మీకుటుంబానికి!
హెచ్చరికగా రార శ్రీరామచంద్రా...
రిప్లయితొలగించండిహెచ్చరికగా రార హే సుగుణసాంద్రా..