మాయల మారి యెవరో మాయనె మాయం చేసిన దెవరో

మాటలు నేర్చిన దెవరో
  మాయలు పన్నిన దెవరో 
మనసున జొరబారి ప్రపంచం
  మాయం చేసిన దెవరో 
మటు మాయం చేసిన దెవరో

పగలంతా నా కనుల ముందర
  వగలను కురిపించీ నటించీ
ఒడలు మరువగా చేసిన దెవరో
  పగలు రేయిగా చేసిన దెవరో

రేయంతా తన స్మరణము లోని
  హాయిని మరగించీ రెప్పలు
మూయగ నీయని దెవరో యెవరో
  రేయి పవలుగా చేసిన దెవరో

అలజడి రేపి రేబవళ్ళను
  తలక్రిందులుగా చేసిన దెవరో
బలె బలె మాయల మారి యెవ్వరో
  మాయనె మాయం చేసిన దెవరో