కానివాడ నైతినా కరుణాసింధో పనికి
రానివాడ నైతినా ప్రాణబంధో
రానివాడ నైతినా ప్రాణబంధో
నిన్ను గాక వేరెవరిని నేను పొగడకున్నను
నిన్ను గాక నన్యునొకని నేను కొలువకున్నను
నిన్ను గాక మది నొక్కని నేను తలపకున్నను
అన్నన్నా రామచంద్ర ఆహా యీనాటి కన
భవతారక మనుచు పేరుబడసిన నీ నామమునే
పవలురేలు పదేపదే పలుకుచు నేనున్నను
కువలయమున నీ నామమపు గొప్ప టముకువేయుచును
దివారాత్రంబులు కీర్తించుచు నిల నున్నను
అన్యమెరుగ నట్టి వాడ నాదరించవేమిరా
అన్యాయపు కాఠిన్యము హరి మానవేలరా
అన్యునిగా చూచుట కేమంత తప్పు చేసితిరా
ధన్యునిగా చేయవేల దయామయా నీదయతో
