రండి బాబు రండి

రండి బాబు రండి శ్రీరామభజనకు చే
యండి భజన చాల పుణ్యముండును మీకు

భజనచేయ ప్రారబ్ధపు బాధ తగ్గును 
భజనచేయ సంచితమిక పండకుండును 
భజనచేయ ఆగామియ భస్మ మయేను
భజనచేయు భక్తుల కిక పాపముండదు

భజనచేయు వారికి సంపదలు పెరుగును
భజనచేయు వారికి హరిభక్తి పెరుగును
భజనచేయు వారికి కలిబాధ లుండవు
భజనచేయు వారికి యమభయము తొలగును

హరినామము దొరకుటే నరుని భాగ్యము
హరినామము పలుకుటే యమితపుణ్యము
హరిభజనానందమే యానందము
హరిభజన చేసి ముక్తి బడయవచ్చును