పోరాడుటెందుకు కలితోడను

పోరాడుటెందుకు కలితోడను వాడు
    శ్రీరామ  యనగానె పడిపోవును

రామనామము చెవుల విననొల్లడు వాడు
    రామబాణము కనుల కననొల్లడు
రామదాసుల కడకు చననొల్లడు వాడు
    రామునిచే దెబ్బతిన నొల్లడు

రామతీర్ధంబుల మననొల్లడు వాడు    
    రాముని గుడికడకు చననొల్లడు
రాముని కన్నెత్తి కననొల్లడు వాడు
    రామప్రసాదంబు తిననొల్లడు

రామకార్యము చెఱుప జననొల్లడు వాడు
  రామదాసుల కడ్డు పడనొల్లడు
రాముడంటే వణకి పరుగెత్తును వాడు
  రాముని పే‌రెత్త పడిపోవును