పలుకవలె రామనామము

పలుకవలె రామనామము పలుకువారికి జన్మరాహిత్యము

పెద్దలిచ్చిన రామనామము ఫలముపెచ్చైన శ్రీరామనామము
ముద్దుముద్దుగ రామనామము జగన్మోహనమగు రామనామము

భక్తికలిగి రామనామము శ్రధ్ధవదలక శ్రీరామనామము
ముక్తికోరుచు రామనామము బుధ్ధిపూర్వకముగ రామనామము

వదలక శ్రీరామనామము కలికి బెదరక శ్రీరామనామము
ముదమారగ రామనామము కలిని వదిలించు శ్రీరామనామము

రసననుంచి రామనామము మాకు ప్రాణమని రామనామము
రసవంతమని రామనామము మంత్రరాజమని రామనామము

సంతోషముగ రామనామము బుధ్ధిమంతులై శ్రీరామనామము
చింతలణచు రామనామము పరమశివనుతమగు రామనామము