రావయ్య వైకుంఠధామ నను బ్రోవ
మక్కువతో నీకు మ్రొక్కుచుందును గాని
ఒక్కనాటికి నేను మ్రొక్కబో నన్యులకు
చక్కగా వరములను సతతమొసగే తండ్రి
నిక్కముగ నన్నేల నేడేల రావు
నీనామమే తలచి నేను పొంగుదును
నీనామ మున కన్యమెన్నడు తలపను
నీనామమే యెన్ని నిత్యంబు పాడుదును
రానిమ్ము నీదయను రామయ్య వేగ
ఎత్తిన జన్మంబు లిక చాలు నీకని
మెత్తగా నొకమాట నొత్తిపలుకగ రార
హత్తించి నీదయను ఆదుకొనగ రార
చిత్తజ జనకుడ శీఘ్రంబుగా రార
