నిన్నేనమ్మి యున్నారా శ్రీరామచంద్ర
నన్నేమఱక యున్నావా
నన్నేమఱక యున్నావా నాతండ్రీ రామచంద్ర
తిన్నగ నేకోరునది తెలిసి రక్షించేవా
చిన్నచిన్న తప్పులెన్నో చేసియుంటి నేమొ కాని
ఎన్నడు నీయందు భక్తి వన్నె తరుగ లేదుగా
దాటరాని గండములను దాటించిన కన్నతండ్రి
మాటలలో నేను నీదు మహిమ వర్ణించలేను
సాటి లేని నీకరుణను చక్కగ కొనసాగనిమ్ము
వాటముగా మేలుచేయువాడవు నీవేనని
పాహి సుజనహితకర పరమపురుష శ్రీకర
పాహి భక్తజనావన భవరుజావినాశన
పాహి నిగమసంచార పరమమంగళాకార
పాహి పట్టాభిరామ పాహి వైదేహిరామ
