పలుకరో యినకులతిలక శ్రీరామ యని
పలుకరో సద్భక్తవరద శ్రీహరి యని
పలుకరో సురగణప్రార్ధిత హరి యని
పలుకరో దశరథవంశవర్ధన యని
పలుకరో శివచాపభంజక రామ యని
పలుకరో జానకీప్రాణనాయక యని
పలుకరో కాననవాసదీక్షిత యని
పలుకరో విదళితబహుదనుజగణ యని
పలుకరో సుగ్రీవ భయవినాశక యని
పలుకరో పౌలస్త్యవంశనాశక యని
పలుకరో నినుచాల భక్తి గొల్చెదమని
పలుకరో కైవల్యపదము వాంఛింతుమని
పలుకరో యన్యదైవముల నెంచబోమని
పలుకరో శ్రీరామ పాహిమాం పాహియని
