హరేరామ యనరా జీవా హరేకృష్ణ యనరా
మరియొక రీతిని ముక్తిలేదురా హరే హరే యనరా
పరమశివుడు తనమదిలో నెప్పుడు హరేరామ యనడే
పరమయోగు లనునిత్య మాత్మలో హరేరామ యనరే
నిరంతరముగా నాంజనేయుడును హరేరామ యనడే
మరువక నీవును పరమభక్తితో హరేరామ యనవే
నరు డక్రూరుడు భీష్ముడు నిత్యము హరేకృష్ణ యనరే
వరముని గణములు ద్రోవది నిత్యము హరేకృష్ణ యనరే
నిరంతరంబుగ నారదాదులును హరేకృష్ణ యనరే
హరి కరుణామయు నాశ్రయించి శ్రీహరేకృష్ణ యనవే
పరమాత్ముడు శ్రీరాముని గుణములు పదేపదే తలచి
పరమపురుషుడగు కృష్ణుని బోధలు బాగుగ మదినెంచి
నిరంతరము హరినామ స్మరణమె నీపని యని యెంచి
పరిపరివిధముల పరమమధురముగ పాడుదు ననితలచి
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.