పదుగురితో మనకు వృధాప్రసంగములు మేలా

పదుగురితో మనకు వృధాప్రసంగములు మేలా
మదిలో శ్రీహరిని నిలిపి మసలుటయే మేలా

ధారుణి పామరుల పేర్లు తలచుచుండిన మేలా
శ్రీరాముని నామము మన జిహ్వనుండిన మేలా

వారివీరి పనులకొరకు పరుగులిడుట మేలా
ఆరూఢిగ హరిపూజల నలరుచుండిన మేలా

తరచుగ వేదాంతగ్రంథములు చదువ మేలా

హరికథలను చదువ బుధ్ధి యమరియున్న మేలా

పరమునకు కాని ధనము పట్ల ప్రీతి మేలా

పరమాత్ముని కృపాధనము పట్ల ప్రీతి మేలా

ఆలుబిడ్ఢ లందు ప్రీతి యధికమైన మేలా

చాల ప్రీతి శ్రీహరిపై జనియించుట మేలా

నేలకు నింగికిని తిరుగు నియమమిదే మేలా

చాలు నని భవములు హరి సన్నిధిగొన మేలా