రామచంద్రు డీత డండి

రామచంద్రు డీత డండి రండి సేవించండి

కామితార్ధప్రదు డండి కదలి రండి

సకలసుగుణధాము డండి సాకేతరాము డండి

అకళంకచరితు డండి హరియే నండి

వికచాంబుజనేత్రు డండి వీరాధివీరు డండి

సకలలోకవందితు డగు చక్రి యండి

అవనిజారమణు డండి అమిత సుందరు డండి

భువనమనోహరుడైన పురుషు డండి

సవనరక్షాదక్షు డండి భువనరక్షకు డండి

రవికులావతంసు డగు రాము డండి

పరమదయాశాలి యండి పతితపావను డండి

పరమపూరుషుం డండి నిస్తులు డండి

పరమశాంతమూర్తి యండి పట్టాభిరాము డండి

వరదాయకు డితడండి భజియించండి