8, ఆగస్టు 2012, బుధవారం

కొంద రున్నారు నా యందు నెయ్యము బూని అందరకు నీవు నాయకుడవు రామయ్య

edited 11/26/19
కొంద రున్నారు నా యందు నెయ్యము బూని
అందరకు నీవు నాయకుడవు రామయ్య

విహిత మవిహితమును వినిపింతురు వారు
ఇహపర హితముల హెచ్చరింతువు నీవు
మహదద్భుతమైన మన్ననతో మీరు
వహియింతురిదె నాదు భారము కృపతో

సదుపాయముల నిచ్చి చక్కగా వారు
సదుపాయముల గూర్చి చక్కగా నీవు
వదలక నభివృధ్ధిపధమున నన్ను
ముదమున నుంతురు మ్రొక్కెద మీకు

సకలకార్యములను సవరింతురు వారు
సకలము శుభముగ సమకూర్తువు నీవు
అకళంకకృప నిట్టు లాదరింపగ మీరు
సకలాత్మనా యోగ సాధన నుంటిని


original 8/8/12
కొంద రున్నారు నా యందు నెయ్యము బూని
అందరకు నీవు నాయకుడవు రా రామ

విహిత మవిహితమును వినిపింతురు వారు
ఇహపరహితముల హెచ్చరింతువు నీవు
మహదద్భుతమైన మన్ననతో మీరు
వహియింతురిదె నాదు భారము కృపతో

సదుపాయముల నిచ్చి చక్కగా వారు
సదుపాయముల గూర్చి చక్కగా నీవు
వదలక అభివృధ్ధిపధమున నన్ను
ముదమున నుంతురు మ్రొక్కెద మీకు

సకలకార్యములను సవరించెదరు వారు
సకలక్రియల శుభము సమకూర్చెదవు నీవు
అకళంకకృప నిట్టు లాదరింపగ మీరు
సకలాత్మనా యోగ సాధన నుంటిని

3 వ్యాఖ్యలు:

  1. చలా బాగా చెప్పేరు. జన్మాష్టమి శుభాకాంక్షలు.

    ప్రత్యుత్తరంతొలగించు
  2. చక్కని పద్యాలు...
    చాలా బాగున్నాయి శ్యామలరావు గారూ!
    శ్రీకృష్ణాష్టమి శుభాకాంక్షలు....
    @శ్రీ

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.