ఉన్న చెడుగు లందు కొన్ని యుండనిచ్చి నా విదే
కొన్ని కొన్ని సుగుణములును కూర్చినావు రామ
అంతు లేని భవములలో అడుగడుగున తోడు వై
ఇంత దాక నీ వడచిన వెన్న నెన్ని చెడుగులో
ఎంతని పొగడుదు నీ దయ నెటు లైన చెడుగెల్ల
అంతరింప జేయవయ్య ఆదరించ వయ్య
కామక్రోధమదాదులన కాయము పై ప్రేమయన
ఏమాత్రము శాంతించవె యెన్ని జన్మ లెత్తినను
కామగపు మనసు బట్ట కాదు నాకు ముమ్మాటికి
స్వామి నీవే పట్టి యింక చక్క జేయ వయ్య
నిన్ను మరువ నట్టి గుణము నెనరున నీ విచ్చినా
వన్ని యెడల నిన్ను జూచు నట్టి గుణము నిచ్చినా
యెన్నగ మన మొక్క టన్న యెరుక గూడ నీయవే
మన్నించవె మాటుకొన్న మాయ నణచి బ్రోవవె
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.