ఇంత కన్న లోకాన యెన్న డైన గాని
వింత మాట పుట్టేనా వేయి మాట లేల
మంచి చెడు లంటకుండ మసిలెద వట నీవు
మంచిమంచి పనులుసేయ మంచినేర్పరి వట
అంచితముగ నేను నీకు మంచిచాయ నంచు
మంచిదారి నడువశక్యమా నీకందువు రామ
గుణము లంటకుండ నీవు కులుకుచుండెద వట
రణములాడి దుర్గుణులను రాల్చుచుండెద వట
గణుతింప నీయందు నేకలిగితి నందువు దు
ర్గుణపాశలతలు నేను కోయలే నందువు రామ
ఒంటిగాడవై హాయిగనుండ నీవు నేర్చెద వట
తంటాలను తీర్చి మంచిదారి చూపుచుందు వట
వెంటబడి నిన్నింక నే విడువబోను నేనంటే
అంటకాగి నేనుండుట అక్కజం బందువు రామ
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.