ఎంత విచారించినా

ఎంత విచారించినా యింతి తిరిగివచ్చునా

ఎంత ప్రయత్నించినా యింతి మరపువచ్చునా

నేలపైన నన్ను విడచి నింగి కెగసె శారద

కాలగర్భమున కలిసె గాఢానుబంధము

కాలువలుగ నేడ్చినా కనికరించునా విధి

జాలి లేదు కద దానికి సాకేతరామా

మున్నే చనవలయునని ముదిత కోరుకొన్నది

ఎన్నగ నది సహజమే యీగేహినులకును

అన్నాతిని కోలుపడితి నన్నవిచారంబున

నున్న నాకు మనశ్శాంతి నొసగుమా రామా