రామనామము చేయరే

రామనామము చేయరే రామనామము చేయరే
భూమిజనులకు మోక్షమిచ్చే రామనామము చేయరే

కామితార్ధము లిచ్చు నామము రామనామము చేయరే
కామరోగము నణచునామము రామనామము చేయరే
పామరత్వము బాపు నామము రామనామము చేయరే
క్షేమదాయక మైన నామము రామనామము చేయరే

కామవైరి జపించు నామము రామనామము చేయరే
ప్రేమతో రక్షించు నామము రామనామము చేయరే
శ్యామసుందరు దివ్యనామము రామనామము చేయరే
నీమముగ భక్తాళి నేలెడు రామనామము చేయరే