నీనామము చాలునననుచు

నీనామము చాలుననుచు నేనెఱిగితి నయ్యా

దానవారి రామచంద్ర దశరథతనయా

నానాజన్మముల నెత్తి నరజన్మము నకు వచ్చి

ఈనరజన్మములు కూడ నెన్నియో నెత్తి

నానాపాపము చేసి నానాబాధలను పడుచు

నీనాటికి శివకృపచే నెఱిగికొన్న శుభనామము

కామారికి యిష్టమైన కమ్మనైన నామమనుచు

కామాదుల నణచివైచి కాపాడెడు నామమనుచు

భూమిని భవతారకమను భూరికీర్తి గలనామము

ప్రేమ మీఱ మోక్షమిచ్చి స్వామి నన్ను బ్రోచుటకు