చాలదా శ్రీరామచంద్ర యనే నామము
చాలదా యీజన్మకు చక్కని హరినామము
చాలదా బ్రహ్మాదులు చాలపొగడు నామము
చాలదా సర్వలోకసన్నుతుని నామము
చాలదా సర్వేశుని సకలశుభద నామము
చాలదా జననమరణచక్రాంతకు నామము
చాలదా మనసు నెపుడు చల్లబరచు మంత్రము
చాలదా సర్వలోకశాంతి గూర్చు మంత్రము
చాలదా దీనికన్న చక్కనైన దేమంత్రము
చాలదా యిదిచాలని జనున కేది చాలును
సన్మంత్రము దీనికన్న జగము నందు లేదు
సన్మార్గము రామమంత్ర జపమేనని తెలియుడు
జన్మమెత్తినందుల కిది చాలునని పలుకుడు
తన్మయులై పలికి భవతరణమునే చేయుడు
