సీతారామ సీతారామ చేరితి నిన్ను
నాతోడుగ నాదేవుడ నడపుము నన్ను
చచ్చిపుట్టి చచ్చిపుట్టి చాలవిసివితి యిక
చొచ్చుమనుచు తనువులీయ జూడకు నాకు
వచ్చి నీపాదములను పట్టితి చూడు కడు
ముచ్చటగా దయచేయుము మోక్షము నాకు
చేరి యల్పమానవులకు సేవచేయను తని
వార నీకు సేవచేయ భావించెదను
కోరరాని కోరికలను కోరను నిన్ను నే
కోరునట్టి మోక్షమొకటి కొసరుము నాకు
నిన్ను మించి దయాశాలి నెన్నడు గనము నీ
కన్న బంధుమిత్రు లెవరు కలుగరు నాకు
నిన్ను వేడి పొందరాని దన్నది కలదె హరి
తిన్నగాను మోక్షమిమ్ము దేవదేవుడ
18, మార్చి 2023, శనివారం
సీతారామ సీతారామ చేరితి నిన్ను
దీనికి సబ్‌స్క్రయిబ్ చేయి:
పోస్ట్‌లు (Atom)