ఎంత మంచివాడండీ

ఎంత మంచివాడండీ యీరాముడు మన
చెంతనున్న దేవుడండి శ్రీరాముడు

భూరిభుజశాలి యైన శ్రీరాముడు బం

గారుకొండయై యుండెడు శ్రీరాముడు

నారాయణుడే మన శ్రీరాముడు  తని

వార బుధులు పొగడెడు శ్రీరాముడు

చింతలన్ని తీర్చుచుండు శ్రీరాముడు దు

శ్చింతనులను పిలుకుమార్చు శ్రీరాముడు

చెంతను సౌమిత్రితోడ శ్రీరాముడు ర

క్షింతునని పలుకుచున్న శ్రీరాముడు

కారుణ్యాంబుధి యైన శ్రీరాముడు సం

సారభయము నెడబాపు శ్రీరాముడు

వారిజాక్షి సీతతోడ శ్రీరాముడు జగ

దారాధ్యుడగుచు వెలుగు శ్రీరాముడు