30, జులై 2019, మంగళవారం
దాశరథికి జయ పెట్టి దండము పెట్టి
దాశరథికి జయ పెట్టి దండము పెట్టి
దేశమెల్ల నతని సత్కీర్తి చాట సమకట్టి
దండువిడిసి యున్నారు దాశరథి భక్తుల
నండజయాన జానకమ్మ చూడవమ్మ
దండిగా దీవనలను దయచేసి పంపవమ్మ
నిండనీ దిక్కులన్ని నీవిభుని కీర్తితో
కోవెలలే వెలయగను కొల్లలై యూరూర
దేవుడై రామయ్య దేవేరి వీవై
వేవేల జనులమధ్య వేడుకలు నిత్యమై
కావింపగ సందళ్ళు కదలు చున్నారమ్మ
రామనామ మంత్రమే రక్షించు నన్నది
భూమి నందరి హృదయ భూముల కెఱుకగా
పామరులు పండితులీ భవవార్థి దాటగా
ఈ మహాత్ము లుద్యమించి రిదె చూడవమ్మ
2 కామెంట్‌లు:
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
బీ జే పీ ప్రభుత్వమొచ్చి 5 ఏండ్లు అయిపోయే రాముని ఊసేలేదు.
రిప్లయితొలగించండిఏ మహాత్ములుద్యమించినారండీ ?
మన్నించాలి. మీరు సరిగా గ్రహించలేదండి. నేను కేవలం రామకీర్తిని లోకపరివ్యాప్తం చేసే భక్తజనులను గురించి మాత్రం ఈకీర్తనలో ప్రస్తావించాను.
తొలగించండి