రామనామము చేయలేనిది భూమి నేదియు లేదురా
రామనామము నోటనుండిన రాని దేదియు లేదురా
కామవైరికి ప్రీతిపాత్రము రామనామము రామనామము
భూమికన్యకు ప్రాణమైనది రామనామము రామనామము
పామరత్వము బాపు మంత్రము రామనామము రామనామము
తామసత్వము నణచు మంత్రము రామనామము రామనామము
రాజపూజ్యత కలుగజేయును రామనామము రామనామము
రాజపదవిని కట్టబెట్టును రామనామము రామనామము
రాతినైనను నాతిజేయును రామనామము రామనామము
కోతినైనను బ్రహ్మజేయును రామనామము రామనామము
లక్షణంబగు బుధ్ధి నిచ్చును రామనామము రామనామము
రక్ష ననిశము కలుగజేయును రామనామము రామనామము
స్వామికరుణకు పాత్రు జేయును రామనామము రామనామము
ప్రేమమీరగ మోక్షమిచ్చును రామనామము రామనామము
