ఇదిగో

పరమాత్ముడు హరి ప్రభవించెను
ధరపై నిదిగో దశరథసుతుడై

కరుణను ధర్మపు ఘనతను చాటగ
సురరిపునాథుని సొదబెట్టగ
వరమునిగణముల బాధలు తీర్చగ
నిరతము భక్తుల నేలగ నిదిగో

నిరుపమసుగణాకరుడై నిత్యము
శరణాగతులగు నరులకు భవ
తరణోపాయము తననామంబుగ
చిరకాలంబును చెలగగ నిదిగో

హరేరామ యని యన్నంతనె శ్రీ
హరేకృష్ణ యని యన్నంతనె
నరులకు మోక్షము తిరమని తెలుపగ
నరనాథుండై హరియే యిదిగో