పరమాత్ముడు హరి ప్రభవించెను
ధరపై నిదిగో దశరథసుతుడై
ధరపై నిదిగో దశరథసుతుడై
కరుణను ధర్మపు ఘనతను చాటగ
సురరిపునాథుని సొదబెట్టగ
వరమునిగణముల బాధలు తీర్చగ
నిరతము భక్తుల నేలగ నిదిగో
సురరిపునాథుని సొదబెట్టగ
వరమునిగణముల బాధలు తీర్చగ
నిరతము భక్తుల నేలగ నిదిగో
నిరుపమసుగణాకరుడై నిత్యము
శరణాగతులగు నరులకు భవ
తరణోపాయము తననామంబుగ
చిరకాలంబును చెలగగ నిదిగో
శరణాగతులగు నరులకు భవ
తరణోపాయము తననామంబుగ
చిరకాలంబును చెలగగ నిదిగో
హరేరామ యని యన్నంతనె శ్రీ
హరేకృష్ణ యని యన్నంతనె
నరులకు మోక్షము తిరమని తెలుపగ
నరనాథుండై హరియే యిదిగో
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.