నీవే దిక్కు శ్రీరామ

నీవే దిక్కు శ్రీరామ నీదే భారము

నీవేమని నిర్ణయించినా వదే జరుగు

లోకంబులు సర్వమును నీకృపచే నేర్పడెను

లోకేశులు సర్వులును నీకృపచే నేర్పడిరి

లోకస్థులు సర్వులను నీకృపయే పోషించును

శ్రీకర యట్లగుట చేత నీకే మ్రొక్కెద నయ్య

పాపంబులు బాపు నట్టి పరమకృపా మూర్తి వీవు

శాపంబులు బాపు నట్టి పరమశుభంకరుడ వీవు

తాపంబులు బాపెడు భవ తారకుడవు హరివి నీవు

నాపాలిటి దైవ రాయ నమ్మి మ్రొక్కెదను నీకు

నాగశయన జగన్నాథ నారాయణ మ్రొక్కెదను

రాగరహిత పరమేశ్వర రామచంద్ర మ్రొక్కెదను

యోగిరాజగణసేవిత సాగిలపడి మ్రొక్కెదను

వేగమె రక్షించెదవో విడతువొ నాకర్మమునకు