సీతారాముడా ఓ సీతారాముడా
మాతప్పులు మన్నించుము సీతారాముడా
భూతలమున జీవులమై పుట్టినామయా
సీతారామ తప్పులెన్నొ చేసినామయా
మాతండ్రీ మహాకృపామయుడ వన్న గొప్ప
ఖ్యాతిగన్న దేవదేవ సీతారాముడా
మాతల్లివి తండ్రి వీవె సీతారాముడా మ
మ్మే తీరున బ్రోచెదవో సీతారాముడా
భూతలమున మరల బుట్ట సీతారాముడా ఇక
మాతరమే కాదు సుమా సీతారాముడా
చేతులెత్తి మ్రొక్కేము సీతారాముడా మా
రాత లింక మార్చవయా సీతారాముడా మహి
మాతిశయము కలిగినట్టి సీతారాముడా నీ
చేతిలోని పనికదా సీతారాముడా
