అంగనలారా

అంగనలారా హరినర్చించరె

బంగరుపూవుల బాగుగను

మారము సేయక మనకెల్లపుడును

కోరిన విచ్చెడు గోవిందు డని

తీరుగ ననిశము తీయనిమాటల

సారెకు పలికెడు చక్కని సామిని

నిండుమనసుతో నేరములెంచక

దండిగ వరముల దయచేయుచును

చెండుచు మన సంచితకర్మంబుల

నండగ నుండెడి యద్భుతచరితుని

దుష్ట దానవుల దునుముచు నిత్యము

శిష్టుల బ్రోచుచు చెలగెడు రామున

కిష్టముగను సంగీతము పాడుచు

స్పష్టముగను మోక్షమునే వేడుచు