శ్రీరామ సన్మంత్రమే

శ్రీరామ సన్మంత్రమే  మేలు సిరుల 

    చెడగొట్టు మంత్రాలచే కీడు

నోరార శ్రీరామ యన మేలు నోటి 

    నూరక వదరించితే కీడు

దేవుళ్ళ పూజించితే మేలు 

    కల్లదేవుళ్ళ పూజించితే కీడు

శ్రీవిష్ణు నర్చించితే మేలు 

    క్షుద్రదేవతల నర్చించితే కీడు

గురువులను సేవించితే మేలు 

    కల్లగురువులను సేవించితే కీడు

హరిహరుల కీర్తించితే మేలు 

    నరుల శ్రీలెంచి కీర్తించితే కీడు

బుధ్ధిమంతుల జేరితే మేలు 

    వట్టి బుధ్ధిహీనుల జేరితే కీడు

సిధ్ధులను సేవించితే మేలు 

    దొంగసిధ్ధులను సేవించితే కీడు

పూజల నొనరించితే మేలు 

    క్షుద్రపూజల నొనరించితే కీడు

రాజువలె బ్రతుకుటే మేలు 

    పోతురాజువలె బ్రతుకుటే కీడు