చక్కని యింద్రియ సంపద
మేలుగ నదియే కలిగిన మోక్షము
మిక్కిలి సులభము కావున
నాలుక మీదను రాముని నామము
నడచుచు నుండిన చాలును
చాలును పామరవాక్యము లాడని
చక్కని నాలుక చాలును
మేలుగ రాముని నామము మనసున
మెదలుచు నుండిన చాలును
చాలును దుశ్చింతనలను చేయని
చక్కని మనసే చాలును
రెండు కర్ణముల రాముని నామము
నిండుచు నుండిన చాలును
పండువగా హరినామమునే విన
వలచెడు చెవులే చాలును
చాలును కరములు రామభజనలో
తాళము చరచిన చాలును
చాలును రాముని సేవలు చేసే
చక్కని కరములు చాలును
చాలును రాముని భజనకు పరువిడు
చక్కని రెండు పాదములు
చాలును రాముని సేవకు పరుగిడు
చక్కని చరణము లుండిన
