తే. అద్దమందున కన్పట్టు నఖిలజగము
నద్దమందున లేదుగా యట్లె మాయ
వలన జగమున్న దనునట్టి భ్రాంతి కలుగు
భ్రాంతి తొలగిన సర్వము రామమయము
ఉన్నది పరబ్రహ్మమే.
ఉన్నది అదొక్కటే కాని అన్యమైనది ఏదీ నిజంగా లేదు.
అద్దంలో ప్రపంచం అంతా కనిపిస్తుంది.
కాని అద్దంలో ఏమీ లేదు కదా.
మాయ కారణంగా ప్రపంచం అనేది లేకపోయినా ఉందనే భ్రాంతి కలుగుతోంది.
అంతే.
ఆభ్రాంతి తొలగిపోతే ఉన్నది బ్రహ్మము ఒక్కటే.
ఆ బ్రహ్మమే రాముడన్న వ్యవహారంతో ఉంది.
అందుచేత భ్రాంతితొలగిన నాడు సర్వమూ ఆరామమయంగానే తెలుస్తుంది.
