నీకు నాకు భలే జోడీ

నీకు నాకు భలే జోడీ సాకేతరామ అది

నీకు వినోదము గూర్ఛు నిశ్చయంబుగ

నీవు పతితపావనుడవు నేను చాల పతితుడను

నీవు దీనబాంధవుడవు నేను చాల దీనుడను

నీవు భక్తవత్సలుడవు నేను నీకు నీ‌భక్తుడను

నీవు సర్వసమర్ధుడవు నేను చాల వీఱిడిని

 

నీవు పురుషోత్తముడవు నేనొక కాపురుషుడను

నీవు దైవశిఖామణివి నేనేమో మానవుడను

నీవు సర్వమెఱిగి యుండువు నేనెఱుకయె లేని వాడ

నీవు సత్కీర్తియుతుడవు నేనేమో అనామకుడ

 

నీవు సదానందుడవు నేను నిత్యదుఃఖితుడను

నీవు వీతరాగుండవు నేను రాగమయాకృతిని

నీవు మాయాతీతుడవు నేను మాయామోహితుడను

నీవు మోక్షదాయకుడవు నేనేమో ముముక్షువును