రారేల రారేల రాముని సేవకు
వేరెవరిని సేవించకను
కూటికి భ్రమపడి కుమతుల సేవించి
మాటిమాటికి చాటుమాటుగను
గోటను కన్నీరు మీటుచు గడుపగ
నేటికి రాముని చాటున బ్రతుకగ
కోరిన విచ్చెడి కొలువనగా అది
శ్రీరఘురాముని సేవనమొకటే
వారిజనయనుడు బహుసుభుండని
మీరు గ్రహించి మిక్కిలి వేడ్కను
ఒరులను సేవించి యున్నన్నాళ్ళును
నరులకు లే దానంద మన్నది
హరి రఘురాముని యండను నిలిచిన
నరులదె బ్రహ్మానంద మి దెరిగి
