ఎఱిగిన దొక్క నీవే కదయ్య

ఈశ్వరా యీ సృష్టి యెందుకు చేసెదో యెఱిగిన దొక్క నీవే గదయ్య ఈశ్వరా జీవుల మెందు కిందుంటిమో యెఱిగిన దొక్క నీవే గదయ్య ఈశ్వరా మాయలో నెందుకు ముంచెదో యెఱిగిన దొక్క నీవే గదయ్య ఈశ్వరా యేజీవి కెప్పుడు మోక్షమో యెఱిగిన దొక్క నీవే గదయ్య యేమి చేయుదు నీ ప్రశ్న లెవరి నడిగి యేమి లాభంబు లేదని యెఱిగి తుదకు చేయునది లేక కరుణతో చెప్పుమనుచు నిన్ను ప్రార్థించుచుంటి ప్రసన్నమూర్తి