6, జూన్ 2022, సోమవారం

జయజయోస్తు రామ

జయజయోస్తు రామ జయోస్తుభవవిరామ
జయజయోస్తు రామ జానకీరామ
 
హరి పంక్తిరథతనూజ ధరణీసుతామనోజ
సురనాథవినుతతేజ వరభక్తకల్పభూజ 

కమలాప్తకులపవిత్ర కమనీయనిజచరిత్ర
అమరారిగణామిత్ర సుమనోజ్ఞనీలగాత్ర

పరమాత్మ మనుజవేష నరనాథకులవిభూష
సురవైరిగణవిశోష సురలోకపరమతోష

సుగుణాలవాల రామ సూర్యాన్వయాబ్ధిసోమ
జగదేకసార్వభౌమ నగజేశవినుతనామ

2 కామెంట్‌లు:

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.