22, జూన్ 2022, బుధవారం

కరిరాజవరదుడు కమలానాథుడు

కరిరాజవరదుడు కమలానాథుడు
మరిమరి మన్నించి మమ్మేలగా
 
కురియవె వరములు విరియవె శుభములు
మరిమరి కావే మంగళవార్తలు
సరిసాటిలేని సుఖసంపద లమరవె
హరికరుణామహిమాతిశయము వలన 

ఇటనుంచి యొకపరి అటనుంచి యొకపరి
ఎటనుంచినను కృప దిటవుగ నించి
నటనంబు లాడించి నవ్వుచు తిలకించు
వటపత్రశాయినే భావింతు మెపుడు
 
మొనగాడు రాముడై భువినవతరించి ధర్మ
మును మాకు బోధించి మురిపించగా
తన దివ్యనామమే తారకమంత్ర మగుచు
మొనసి రక్షించదే ముక్కాలములను

కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.