వినరండి మేలైన విధమిది జనులార
మనసార రామనామమును చేయండి
ఇనకులపతి యిచ్ఛు టెఱుగవలయును
మనసార రామనామ మననము చేయువాని
జననాథుడైన రామచంద్రుడు రక్షించు
పవలును రేలును హరిభజన చేసెడు వారు
భవనాశనుని దయకు పాత్రులగుదురు
రవికులపతిని పొగడు నెవని మానసము వాడు
నివసించు వైకుంఠమున నిశ్ఛయముగను
శ్రీరామ రామ యని శ్రీకృష్ణ కృష్ణ యని
నోరార పలుకుచుండు వారె ధన్యులు
కారణకారణుని కమలాయతాక్షుని సం
సారమోచనుని భజన సలుపవలయును
