9, జూన్ 2022, గురువారం

వినరండి మేలైన విధమిది జనులార

వినరండి మేలైన విధమిది జనులార
మనసార రామనామమును చేయండి

మునులకు ముక్తియు సుజనులకు సౌఖ్యమును
ఇనకులపతి యిచ్ఛు టెఱుగవలయును
మనసార రామనామ మననము చేయువాని
జననాథుడైన రామచంద్రుడు రక్షించు

పవలును రేలును హరిభజన చేసెడు వారు
భవనాశనుని దయకు పాత్రులగుదురు
రవికులపతిని పొగడు నెవని మానసము వాడు
నివసించు వైకుంఠమున నిశ్ఛయముగను

శ్రీరామ రామ యని శ్రీకృష్ణ కృష్ణ యని
నోరార పలుకుచుండు వారె ధన్యులు
కారణకారణుని కమలాయతాక్షుని సం
సారమోచనుని భజన సలుపవలయును



కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.