కారణమేమయ్య శ్రీరాముడా నీవు
మారాడకున్నావు శ్రీరాముడా
నేరము లేమి చేసి శ్రీరాముడా మేము
ఘోరభవాంబుధిని శ్రీరాముడా
దారి తెన్నూ లేక శ్రీరాముడా యిట్లు
తారాడుచున్నాము శ్రీరాముడా
ఔరౌర యెల్లరమును శ్రీరాముడా నిన్ను
నోరార పిలచినను శ్రీరాముడా
కారుణ్యమూర్తివయ్యు శ్రీరాముడా మమ్ము
తీరము చేర్చమంటె శ్రీరాముడా
ధారుణిని భక్తాళికి శ్రీరాముడా నీవు
తీరుగను మోక్షమిచ్చి శ్రీరాముడా
మారాత మార్చమంటె శ్రీరాముడా నీవు
నేరముల నెంచెదవో శ్రీరాముడా 
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి.